ఇంటర్నెట్ బ్యాంకింగ్ వచ్చాక మోసాలు చాల ఎక్కువగా జరుగుతున్నాయ్ చాలామంది మన పాస్వర్డ్ ని దొంగలించి మనకి తెలియకుండా మన ఎకౌంటు లో ఉన్న డబ్బు ని కాజేస్తూ ఉంటారు . ఇంక ఈ మొబైల్ ఇంటర్నెట్ బ్యాంకింగ్ వచ్చాక ఐతే వీళ్ళ పని ఇంకా సులభం అయ్యింది . మీరు మొబైల్, ఇంటర్నెట్ బ్యాంకింగ్ ఎక్కువగా వాడుతుంటే ఈ జాగ్రతలు తీసుకోండి .
1. మీ బ్యాంక్ వివరాలను తెలియజేయమని వచ్చే కాల్స్, ఈ-మెయిల్స్, ఎస్ఎంఎస్లకు స్పందించవద్దు. ఎందుకంటే బ్యాంకు వారు ఎప్పుడూ అలా అడగరు.
2. ఆన్లైన్, మొబైల్ బ్యాంకింగ్లకు వాడే ఈ-మెయిల్స్, ఫోన్ నంబర్లను ఎవరికీ చెప్పకపోవడమే ఉత్తమం.
3. ఆన్లైన్ బ్యాంకింగ్ లావాదేవీలు నిర్వహించాలంటే సదరు బ్యాంక్ వెబ్సైట్ను ఇంటర్నెట్ బ్రౌజర్లో టైప్ చేసి మాత్రమే ఓపెన్ చేయాలి. వేరే దగ్గర్నుంచి ఓపెన్ చేస్తే మీ బ్యాంక్ సమాచారం ఇతరుల చేతుల్లోకి వెళ్లేందుకు అవకాశం ఉంటుంది.
4. మొబైల్, ఆన్లైన్ బ్యాంకింగ్ పాస్వర్డ్లను కనీసం 3 నెలలకు ఒకసారి అయినా మారుస్తుండాలి.
5. ఎవరైనా మీ ఫోన్ నెట్వర్క్ బాగాలేదు, ఫోన్ను ఒకసారి స్విచ్ ఆఫ్ చేయండి అని చెబితే వెంటనే జాగ్రత్త పడండి. ఎందుకంటే నెట్వర్క్ ఆపరేటర్లు అలా ఫోన్ చేసి చెప్పరు. ఒక వేళ అలాంటి ఫోన్ కాల్స్ కనక వస్తే అప్పుడు మీ మొబైల్, ఇంటర్నెట్ బ్యాంకింగ్ అకౌంట్లను లాక్ చేయండి. లేదంటే పాస్వర్డ్లు, ఈ-మెయిల్స్, మొబైల్ నంబర్స్ను మార్చండి.
6. మీ బ్యాంక్ లావాదేవీలపై ఎల్లప్పుడూ ఓ కన్నేసి ఉంచండి. ఎప్పటికప్పుడు స్టేట్మెంట్స్ చూసుకోండి.
7. బ్యాంక్ లేదా మొబైల్ సేవలకు సంబంధించి ఎలాంటి అంతరాయాన్నయినా మీరు గమనించినట్టయితే వెంటనే సదరు కంపెనీని సంప్రదించి వివరాలు తెలుసుకోండి.
Monday 26 September 2016
మొబైల్ లో బ్యాంకు లావాదేవీలు ఎక్కువగా చేస్తారా? అయితే ఈ జాగ్రత్తలు పాటించండి.
Subscribe to:
Post Comments (Atom)
No comments:
Post a Comment